ផ្សាយពាណិជ្ជកម្ម លើគេហទំព័រសារព័តមានដើមអម្ពិល និង Lookingtoday កាសែតដើមអម្ពិល, វិទ្យុដើមអម្ពិលសូមទំនាក់ទំនងមកកាន់មជ្ឈមណ្ឌលសារព័ត៌មានដើមអម្ពិល តាមរយៈទូរសព័្ឌលេខ៖ 097 227 9999 ឬតាមរយៈ Email: soyvicheth@gmail.com៕

តុងហ្គីលម៉ូដូ គ្រោងស្នើចូល កីឡាជាតិ និងស៊ីហ្គេម ឆ្នាំ២០២៣

ភ្នំពេញ៖ ដោយឈរលើទិសដៅអភិវឌ្ឍន៍ វែងឆ្ងាយ រួមទាំងការសម្រេចបាននូវសមិទ្ធផលទាំងថ្នាក់ជាតិ និងអន្ដរជាតិនាពេលកន្លងមក ថ្នាក់ដឹកនាំកីឡាតុងហ្គីលម៉ូដូកម្ពុជា បាននឹងកំពុងរៀបចំសំណើរទៅកាន់ ក្រសួងអប់រំ យុវជន និងកីឡា បានបញ្ចូលកីឡានេះ ចូលក្នុងការប្រកួតកីឡាជាតិ លើកទី៣ ក៏ដូចជាការសម្របខ្លួនចូលក្នុងប្រភេទកីឡា ត្រៀមស៊ីហ្គេម ឆ្នាំ២០២៣ នៅកម្ពុជាផងដែរ ។

លោក ចំរើន សុផល អគ្គលេខាធិការសហព័ន្ធកីឡាតុងហ្គីលម៉ូដូកម្ពុជា បានបញ្ជាក់ថា ដោយសារក្នុងការប្រកួតកីឡាជាតិ ២លើកកន្លងមក មិនទាន់មានកីឡាតុងហ្គីលម៉ូដូចូលរួម សហព័ន្ធកំពុងរៀបចំសំណើរទៅកាន់ក្រសួងអប់រំ ដើម្បីត្រៀមកីឡាជាតិ លើកទី៣ ឆ្នាំ២០២០ ។ ការស្នើរនេះ ដោយសារសហព័ន្ធចង់ពង្រឹងសមត្ថភាពកីឡាករ-កីឡាការិនី មន្ដ្រីបច្ចេកទេស និងផ្សព្វផ្សាយពីកីឡាតុងហ្គីលម៉ូដូកាន់តែទូលំទូលាយថែមទៀត ។

មិនតែប៉ុណ្ណោះ តុងហ្គីលម៉ូដូ ក៏ចង់អភិវឌ្ឍន៍ខ្លួន បានស្វែងរកឱកាសចូលក្នុងប្រភេទកីឡាត្រៀមស៊ីហ្គេម ឆ្នាំ២០២៣ តាមរយៈការខិតខំបំពេញនូវរាល់លក្ខខណ្ឌរបស់គណៈកម្មាធិការអូឡាំពិកអន្ដរជាតិ តាមរយៈការធ្វើការងារនេះជាមួយគណៈកម្មាធិការអូឡាំពិកកម្ពុជាផងដែរ ។ លោកសង្ឃឹមថា ទាំងក្រសួងអប់រំ យុវជន និងកីឡា និងគណៈកម្មាធិការអូឡាំពិកកម្ពុជា នឹងមានការសហការ និងផ្ដល់នូវឱកាសខ្ពស់ សម្រាប់កីឡាតុងហ្គីលម៉ូដូ ក្នុងដំណើរឆ្ពោះទៅរកភាពជោគជ័យ នាថ្ងៃអនាគត ។

គួរបញ្ជាក់ថា កីឡាតុងហ្គីលម៉ូដូ បានចូលមកកម្ពុជា តាំងពីឆ្នាំ២០០៧ បន្ទាប់មកទើបកីឡាមានប្រភពពីកូរ៉េខាងត្បូងវិវត្ដន៍ខ្លួន រហូតបង្កើតជាសហព័ន្ធក្នុងឆ្នាំ២០១១ ។ បន្ដបន្ទាប់ពីមកកីឡាតុងហ្គីលម៉ូដូ បានអភិវឌ្ឍន៍ឲ្យមានការរីកចម្រើនគួរឲ្យកត់សម្គាល់ រហូតធ្លាប់ដណ្ដើមបានមេដាយក្នុងការប្រកួតកីឡាតុងហ្គីលម៉ូដូជើងឯកពិភពលោកនៅថៃ រួមមានមេដាយមាស ១, ប្រាក់ ១ និងសំរឹទ្ធ ៤ រួមទាំងមេដាយលើឆាកអន្ដរជាតិជាច្រើនទៀត ។ បច្ចុប្បន្នតុងហ្គីលម៉ូដូមានក្លឹបជាសមាជិកចំនួន ១២ នឹងមានកីឡាករ-កីឡាការិនីជាច្រើនរយនាក់ ៕

បញ្ជាក់៖ ហាម​យក​​ព័ត៌មាន​​ទៅចុះផ្សាយ​បន្ត​ដោយគ្មាន​ការអនុញ្ញាត​​បើពុំ​នោះ​ទេ​យើង​ នឹង​ចាត់​​វិធាន​​ការ​​​ទៅ​​តាម​​នីតិវិធីច្បាប់​​​..!!

ព័ត៌មានថ្មីៗ ទើបចុះផ្សាយ

  • Cristiano Ronaldo បានសារភាពថា ខ្លួនពិតមានកំហុសពី បទបន្លំពន្ធ... - 23/01/2019 13:03
  • ភពទី៩ប្រហែលជា មិនមានទេ៖ អ្នកវិទ្យាសាស្ត្រ និយាយថា គន្លងចម្លែ... - 23/01/2019 12:58
  • មិនជឿកុំប្រមាថ! ក្រៅពីគ្រាំគ្រាផ្លូវចិត្ត Depression អាចនាំគ... - 23/01/2019 12:52
  • Alipay ផ្តល់វេទិការបស់ខ្លួន រហូតដល់៨០ភាគរយ តាមហាងនៅទីក្រុងដា... - 23/01/2019 12:50
  • ក្រោយរួមភេទរួច មិនគួរធ្វើរឿងទាំងនេះ ជាដាច់ខាត - 23/01/2019 12:49
  • ក្រុមក្មេងខ្ចី U-17 វិសាខា កំពុងធ្វើព្យុះភ្លើងក្នុងពាន KMH... - 23/01/2019 12:47
  • ក្រុមបាល់ទាត់វ័យក្មេង១២ក្រុម ប៉ះគ្នាលើទីលានវាលស្មៅ ដណ្តើមពាន... - 23/01/2019 11:09
  • បារាំង ផ្អាកដំណើរការ រុករកយន្តហោះ របស់កីឡាករបាល់ទាត់អាហ្សង់ទ... - 23/01/2019 10:57
  • BLACKPINK ផ្តួល BTS គ្រងដំណែង ក្រុមចម្រៀង កូរ៉េមានអ្នក ទស្ស... - 23/01/2019 10:55
  • អម្រឹតសម្ពោធដាក់ឲ្យ ប្រើប្រាស់ អគារសិក្សា នៅសាលាបឋម សិក្សាពុ... - 23/01/2019 10:28
  • Top