ផ្សាយពាណិជ្ជកម្ម លើគេហទំព័រសារព័តមានដើមអម្ពិល និង Lookingtoday កាសែតដើមអម្ពិល, វិទ្យុដើមអម្ពិលសូមទំនាក់ទំនងមកកាន់មជ្ឈមណ្ឌលសារព័ត៌មានដើមអម្ពិល តាមរយៈទូរសព័្ឌលេខ៖ 097 227 9999 ឬតាមរយៈ Email: soyvicheth@gmail.com៕

ការថែរក្សា​​ សុខភាពតាមវ័យ

ការយល់ដឹងអំពីការ វីធីថែទាំសុខភាព ស្របតាមវ័យនីមួយៗ​ អាចជួយឲ្យស្រ្តីអាចការពារ បញ្ហាដែលអាចកើតមានឡើង ចំពោះសុខភាពបាន ។

ខាងក្រោមនេះ ជាចំណុចដែរស្រ្តីគួរស្វែងយល់ ដើម្បីដឹងបានថា វ័យរបស់អ្នកប្រឈម នឹងបញ្ហាសុខភាពអ្វីខ្លះ។ ហើយគួរថែទាំសុខភាព ដោយវិធីណា?

១. អាយុចាប់ពី ១៨ ដល់ ២៣ឆ្នាំ៖
សុខភាពរាងកាយកំពុងរឹងមាំបំផុត​ ប៉ុន្តែអ្វីដែល គួរឲ្យយកចិត្តទុកដាក់បំផុតនោះគឺ សុខភាពផ្លូវចិត្ត ដែលត្រូវត្រៀម ទទួលការផ្លាស់ប្តូរនៅក្នុងជីវិត ព្រោះអ្នកមិនមែន នៅក្មេងទៀតទេ ដោយអ្នកត្រូវមានទំនួលខុសត្រូវ កាន់តែខ្លាំងឡើង ហើយអ្នកត្រូវចាប់ផ្តើម ឈានចូលទៅក្នុងជីវិតនៃការងារ ចាប់ផ្តើមមានស្នេហា និងខ្លះទៀត ចាប់ផ្តើមមានការរួមភេទ។

ជាមួយគ្នានេះដែរ ជំងឺដែលមនុស្សនៅក្នុងវ័យនេះ អាចនឹងជួបប្រទះរួមមាន ជំងឺខ្លាចធាត់ ជំងឺឆ្លងតាមការរួមភេទ ដែលនៅក្នុងនោះមានជំងឺរើម មេរោគផ្សិត ក្នុងទ្វារមាស រួមទាំង វីរុសថ្លើមប្រភេទ C, B, និង HIV និងមានផ្ទៃពោះ ដោយចៃដន្យ។ ហេតុដូច្នេះហើយអ្នកគួរតែ ទៅពិនិត្យសុភាពរាងកាយទូទៅ​ សង្កេតខ្លួនឯងឲ្យបានច្បាស់ ប្រសិនបើមានការផ្លាស់ប្តូរណាមួយ។

២. អាយុ ២៤ ដល់ ២៩ឆ្នាំ៖
ជីវិតរបស់អ្នក មិនត្រឹមតែមានមិត្ត និងគូស្នេហ៍ប៉ុណ្ណោះទេ ប៉ុន្តែនៅតាមតួនាទីការងារ ការរៀបចំផែនការជីវិត នាពេលអនាគត ដែលអាចធ្វើឲ្យរាងកាយ ដែលធ្លាប់តែរឹងមាំ អាចចុះខ្សោយខ្លះ មានភាពតានតឹងច្រើន ហើយមានពេលថែខ្លួន កាន់តែតិច។ ជាមួយគ្នានេះដែលអ្នក អាចនឹងប្រឈមមុខ នឹងជំងឺស្រ្តេស ជំងឺរលាកក្រពះ និងជំងឺប្រកាំងជាដើម។

ដូច្នេះហើយ អ្នកគួរតែទៅពិនិត្យសុខភាពទូទៅ ១ឆ្នាំម្តង ដោយអ្នកត្រូវពិនិត្យ ទៅលើកម្រិតជាត់ខ្លាញ់ នៅក្នុងឈាម ទម្ងន់ខ្លួន​ ជាតិស្ករនៅក្នុងឈាម មិនឲ្យខ្ពស់ជាងមាត្រដ្ឋាន។ លើសពីនេះអ្នកគួរតែពិនិត្យ ជំងឺកាមរោគ និងពិនិត្យរកមហារីកមាត់ស្បូន ប្រសិនបើអ្នកមាន ដៃគូរួមភេទ។ ម្យ៉ាងវិញទៀត អ្នកគួរតែពិនិត្យសុដន់ ដោយខ្លួនឯង ១ខែម្តង ពេលងូតទឹក និងមុនពេលចូលគេង ព្រមទាំងហាត់ប្រាណ ឲ្យបានទៀតទាត់ ដើម្បីឲ្យសាច់ដុំ នឹងឆ្អឹងរឹងមាំ​ រួមទាំងសម្រាក ឲ្យបានគ្រប់គ្រាន់ និងធ្វើសមាធីក ដើម្បីកុំឲ្យមាន អាការតានតឹងខ្លាំងពេក។ ជាពិសេស អ្នកត្រូវពិភាក្សា ជាមួយគ្រូពេទ្យភ្លាម ប្រសិនបើមានអ្វីមួយខុសប្រក្រតី។

៣. អាយុ ៣០ឆ្នាំឡើងទៅ៖
អ្នកត្រូវការភាពគង់វង្សទាំងការងារ និងជីវិតគ្រួសារធ្វើឲ្យក្តីសង្ឃឹម នៅក្នុងជីវិត កាន់តែខ្ពស់។ ពេលនោះអ្នកចាប់ផ្តើម ឆាប់ហត់នឿយ មានសភាពតានតឹងខ្លាំងឡើង ក្នុងខណៈនោះការដុតបំផ្លាញ ថាមពលរាងកាយ ចាប់ផ្តើមថយចុះត្រូវប្រយ័ត្នជំងឺ ដែលទាក់ទងនឹងភាពធាត់។ ហើយជំងឺដែលអ្នកអាច ជួបប្រទះរួមមាន ជំងឺតានតឹង ជំងឺសោកសៅ ជំងឺធាត់ ជំងឺសម្ពាធឈាមខ្ពស់ ជំងឺខ្លាញ់ នៅក្នុងឈាមជាដើម។

អ្នកគួរតែពិនិត្យសុខភាព ១ឆ្នាំម្តង ទោះបីជាមិនធ្លាប់រួមភេទ ក៏ដោយក៏អ្នកគួរតែពិនិត្យ ផ្នែករាងកាយខាងក្នុង របស់អ្នកដែរ។​ អ្នកគួរតែពិនិត្យសុដន់ ដោយខ្លួនអ្នកជាប្រចាំ ធ្វើសមាធិ រកកិច្ចការបន្ថូរ ភាពតានតឹង ហាត់ប្រាណឲ្យបានទៀតទាត់ វាស់មើលសម្ពាធឈាម និងជាតិស្ករ នៅក្នុងឈាម ជាខ្លាញ់នៅក្នុងឈាម ដើម្បីពិនិត្យមើល ការប្រឈមមុខ នឹងជំងឺផ្សេងៗ។ ជាពិសេសគួរកត់ត្រា ឬចងចាំថា អ្នកធ្លាប់ឈឺអ្វីខ្លះ? លេបថ្នាំអ្វីមានប្រតិកម្មដែលឬទេ? មនុស្សនៅក្នុងគ្រួសារ ធ្លាប់មានប្រវត្តិឈឺអ្វីខ្លះ? ដើម្បីឲ្យគ្រូពេទ្យ វិភាគជំងឺអ្នកបានត្រឹមត្រូវ និងកាន់តែច្បាស់។

៤. អាយុ ៤០ឆ្នាំឡើង៖
ស្រ្តីវ័យ ៤០ឆ្នាំឡើងទៅ ចាប់ផ្តើមមានបញ្ហាផ្នែកអ័ម៉ូន ភេទស្រី ជះឥទ្ធិពល ចំពោះខួរក្បាល អារម្មណ៍ ចិត្តគំនិត មានអាការផ្សេងៗ កើតឡើង ដែលអាចជះឥទ្ធិពល ចំពោះគុណភាពជីវិត ដែលអាការទាំងនេះមានដូចជា រដូវមិនទៀតទាត់ពេលខ្លះមកតិច ខ្លះទៀតមកច្រើនពេក ៗ ២ ឬ ៣សប្តាហ៍មកម្តងក៏មាន។

លើសពីនេះ​ គឺមានអាការគេងមិនលក់ ដូចជាពិបាកគេងលក់ ឬភ្ញាក់ជាញឹកញាប់ នៅកណ្តាលអធ្រាត្រឬភ្ញាក់លឿន ជាប្រក្រតី ដែលបណ្តាលឲ្យមានអារម្មណ៍ ប្រែប្រួល កើតអាការសោកសៅឬឆេវឆាវ។ ចំណែកឯអ័រម៉ូន អេស្រ្តូចេន ដែលចុះថយធ្វើឲ្យជាលិកាភ្នាស ទ្វារមាសស្តើង ភាពយឺតយារ និងទឹករំអិល មានការថយចុះ ដែលធ្វើឲ្យការរួមភេទ មិនរលូន។ក្រៅពីនេះ ភាពតានតឹង អ័រម៉ូនភេទ អាស្រ្តូចេនថយចុះ ការផលិតខូលឡាចេណ ក៏ចុះថយ ធ្វើឲ្យស្បែកស្រ្តី វ័យអស់រដូវចាប់ផ្តើមស្តើង មិនតឹងណែន និងឆាប់ជ្រីវជ្រួញទៀតផង៕

បញ្ជាក់៖ ហាម​យក​​ព័ត៌មាន​​ទៅចុះផ្សាយ​បន្ត​ដោយគ្មាន​ការអនុញ្ញាត​​បើពុំ​នោះ​ទេ​យើង​ នឹង​ចាត់​​វិធាន​​ការ​​​ទៅ​​តាម​​នីតិវិធីច្បាប់​​​..!!

ព័ត៌មានថ្មីៗ ទើបចុះផ្សាយ

  • Liverpool និង Man United មានសង្ឍឹមក្រោយច្បាស់ហើយថា Bayern Mu... - 25/05/2019 19:31
  • ក្រសួងមហាផ្ទៃ ឈ្នះមាស ខណៈអលស្តារ យកប្រាក់នៃការប្រកួតកីឡា វាយ... - 25/05/2019 15:05
  • យូអិនជម្រុញឲ្យអង់គ្លេស ដកខ្លួនចេញ ពីដែនកោះ ដែលខ្លួនកាន់កាប់ត... - 25/05/2019 13:38
  • Everton ទិញបានកីឡាករដំបូងគេ ក្នុងរដូវកាល ដោះដូរលើកនេះ - 25/05/2019 13:30
  • ក្រុមបាល់ទាត់ 3G ឡើងវគ្គ១៦ក្រុមនៃពានរង្វាន់ Ganzberg Cup រដូ... - 25/05/2019 12:40
  • លោកបណ្ឌិត ថោង ខុន ចូលរួមបិទការ ប្រកួតកីឡាវាយកូនឃ្លី លើតុពានរ... - 25/05/2019 12:09
  • គ្រោះថ្នាក់នៃ ជំងឺតេតាណុស - 25/05/2019 12:01
  • ហាងលក់ខោអាវទ្រនាប់ ប្រើម៉ាស៊ីនស្កេន 3D សម្រាប់វាស់រាងកាយ - 25/05/2019 11:53
  • ក្រុមហ៊ុន SpaceX បាញ់បង្ហោះផ្កាយរណប ដំបូងនៃបណ្តាញអ៊ីធើណេតរបស... - 25/05/2019 11:50
  • នារីមិនគួរធ្វើរឿង ៥នេះឡើយ ព្រោះប៉ះពាល់ដល់មេជីវិតញី អ្នកខ្ល... - 25/05/2019 11:25
  • Please wait 8  seconds, if skip Close

    Top