ផ្សាយពាណិជ្ជកម្ម លើគេហទំព័រសារព័តមានដើមអម្ពិល និង Lookingtoday កាសែតដើមអម្ពិល, វិទ្យុដើមអម្ពិលសូមទំនាក់ទំនងមកកាន់មជ្ឈមណ្ឌលសារព័ត៌មានដើមអម្ពិល តាមរយៈទូរសព័្ឌលេខ៖ 097 227 9999 ឬតាមរយៈ Email: soyvicheth@gmail.com៕

ក្រុមហ៊ុន មេនូឡាយហ្វ៍ ខេមបូឌា ពង្រីកវិសាលភាព អាជីវកម្មរបស់ខ្លួន ជាមួយនឹងការ បើកសម្ពោធការិយាល័យ សាខាថ្មី នៅខេត្តព្រះសីហនុ

ព្រះសីហនុ៖​ ក្រុមហ៊ុន មេនូឡាយហ្វ៍ ខេមបូឌា ដែលជាក្រុមហ៊ុន ធានារ៉ាប់រងអាយុជីវិត អន្តរជាតិដំបូងគេ​ នៅក្នុងព្រះរាជាណាចក្រកម្ពុជា បានបើកការិយាល័យសាខាថ្មី នៅខេត្តព្រះសីហនុ ដែលជាខេត្តមួយពោរពេញដោយ សក្ដានុពលសេដ្ឋកិច្ចខ្លាំង និងជាខេត្ត ដែលមានកំពង់ផែអន្តរជាតិធំបំផុត ក្នុងប្រទេសផងដែរ។

ខេត្ត ឆ្នេរសមុទ្រមួយនេះ កំពុងក្លាយជាគោលដៅទេសចរណ៍ ដ៏មានប្រជាប្រិយភាព ដែលត្រូវបានសារព័ត៌មាន ញ៉ូវយ៉ក ថាម (New York Times) ឲ្យចំណាត់ថ្នាក់ទី ១៣ ក្នុងចំណោម ៥២ គោលដៅទេសចរណ៍ប្រចាំឆ្នាំ ២០១៨។ ការពង្រីកវិសាលភាពអាជីវកម្មនេះ នឹងជួយបំពេញតម្រូវការ ធានារ៉ាប់រងអាយុជីវិត និងដំណោះស្រាយហិរញ្ញវត្ថុ ដែលមានគុណភាពខ្ពស់ និងសម្បូរបែបជូនដល់ប្រជាជន នៅក្នុងខេត្តដ៏ពិសេស មួយនេះ។

ក្រុមហ៊ុន មេនូឡាយហ្វ៍ បានពង្រីកអាជីវកម្មរបស់ខ្លួន យ៉ាងឆាប់រហ័ស ដោយនេះជា ការបើកសម្ពោធ ការិយាល័យថ្មីទី ៦ ហើយរបស់ក្រុមហ៊ុន បន្ទាប់ពីការធ្វើអាជីវកម្ម រយៈពេលប្រាំមួយឆ្នាំ របស់ក្រុមហ៊ុននៅកម្ពុជា។ ការិយាល័យដំបូងរបស់ក្រុមហ៊ុន ត្រូវបានបើកដំណើរការ កាលពីឆ្នាំ ២០១២ នៅរាជធានីភ្នំពេញ បន្ទាប់មកនៅខេត្តសៀមរាប ក្នុងឆ្នាំ ២០១៤ ខេត្តបាត់ដំបងក្នុងឆ្នាំ ២០១៥ ខេត្តកំពង់ចាមក្នុងឆ្នាំ ២០១៦ និងខេត្តបន្ទាយមានជ័យ កាលពីដើមឆ្នាំ ២០១៨ នេះ។

ការពង្រីកវិសាលភាពអាជីវកម្ម គឺជាយុទ្ធសាស្ត្រ របស់ក្រុមហ៊ុន ដើម្បីផ្តល់ជូនការ ការពារហិរញ្ញវត្ថុ និងបរិយាប័នហិរញ្ញវត្ថុ ដល់គ្រួសារកម្ពុជា ដែលរស់នៅក្រៅរាជធានីភ្នំពេញ ហើយនេះក៏ស្របគ្នាទៅនឹងយុទ្ធសាស្ត្រ របស់រាជរដ្ឋាភិបាលកម្ពុជា ក្រសួងសេដ្ឋកិច្ច និងហិរញ្ញវត្ថុ និងធនាគារជាតិនៃកម្ពុជាផងដែរ។

ថ្លែងនៅក្នុងពិធីសម្ពោធ ការិយាល័យសាខានោះ លោក Robert Elliott អគ្គនាយកប្រតិបត្តិ និងនាយកចាត់ការទូទៅ នៃក្រុមហ៊ុន មេនូឡាយហ្វ៍ ខេមបូឌា បានមានប្រសាសន៍ថា៖ «អតិថិជនគឺជាអាទិភាពរបស់យើង ហើយយើងតែងតែយកអតិថិជន ជាគោលសម្រាប់រាល់សកម្មភាព ដែលយើងធ្វើ។ នេះមានន័យថា អតិថិជនអាចស្វែងរក សេវាកម្មរបស់យើង បាននៅទីកន្លែងដែលពួកគាត់ រស់នៅ និងធ្វើការ។»

លោកបានបន្ថែមទៀតថា៖ «ការពង្រីកអាជីវកម្មរបស់យើងនេះ គឺជាវិធីសាស្ត្រដ៏សំខាន់មួយផងដែរ ដែលយើងអាចជួយកសាងអនាគត ហិរញ្ញវត្ថុរបស់ក្រុមគ្រួសារកម្ពុជា ឲ្យកាន់តែប្រសើរឡើង។ ចាប់ពីថ្ងៃនេះតទៅ ប្រជាជនកម្ពុជាដែលរស់នៅ ក្នុងខេត្តព្រះសីហនុ និងតំបន់ជិតខាងនៃខេត្តនេះ នឹងអាចទទួលបានដំណោះស្រាយ ផ្នែកហិរញ្ញវត្ថុ លំដាប់អន្តរជាតិរបស់ក្រុមហ៊ុន មេនូឡាយហ្វ៍ ដែលយើងបានផ្តល់ជូន ប្រជាជនកម្ពុជាចំនួនជាង ៧ ម៉ឺននាក់រួចមកហើយក្នុងរយៈពេល ៦ ឆ្នាំកន្លងមកនេះ។»

គួរបញ្ចាក់ផងដែរថា ការិយាល័យថ្មី របស់ក្រុមហ៊ុន មេនូឡាយហ្វ៍ មានទីតាំងនៅផ្ទះលេខ ១៦A ផ្លូវចំណោតរ៉ា  ភូមិ ២ សង្កាត់លេខ ៣ ក្រុងព្រះសីហនុ ខេត្តព្រះសីហនុ៕

បញ្ជាក់៖ ហាម​យក​​ព័ត៌មាន​​ទៅចុះផ្សាយ​បន្ត​ដោយគ្មាន​ការអនុញ្ញាត​​បើពុំ​នោះ​ទេ​យើង​ នឹង​ចាត់​​វិធាន​​ការ​​​ទៅ​​តាម​​នីតិវិធីច្បាប់​​​..!!

ព័ត៌មានថ្មីៗ ទើបចុះផ្សាយ

  • គូស្វាមីភរិយា រៀបការថ្មីថ្មោង សូមពិនិត្យមើលលទ្ធផល ការចាប់រង្... - 15/02/2019 21:12
  • Simeone សម្រេចចិត្តបន្តកុងត្រាថ្មី ជាមួយក្លឹបឲ្យបានគ្រប់ ១០រ... - 15/02/2019 19:15
  • ការសិក្សារបស់ ណាសាបង្ហាញថា ប្រទេសចិន និងប្រទេសឥណ្ឌានឹង ធ្វើឲ... - 15/02/2019 19:11
  • លោកTim Cook វាយប្រហារ លើការរិះគន់ កម្មវិធីតាមដាន ស្ត្រីអារ៉ា... - 15/02/2019 16:53
  • ប្រធានក្លឹប Barcelona អះអាងថាអត់ ដែលមាន បំណងចង់បាន Neymar មក... - 15/02/2019 15:51
  • គ្រោងឆ្អឹងដ៏អាថ៌កំបាំង របស់ក្មេងស្រីជំទង់ ម្នាក់រកឃើញកប់ នៅក... - 15/02/2019 15:32
  • ងើបពីឈឺ Selena កាន់តែស្រស់ស្រាយខ្លាំង មើល​តែរាងដឹងហើយ ឡើងម៉ា... - 15/02/2019 15:16
  • កាំរស្មីជួយក្រុម អ្នកស្រាវជ្រាវ បញ្ជាក់ពីដើម កំណើតចិន ដែលរកឃ... - 15/02/2019 14:39
  • កម្ចាត់ជាតិខ្លាញ់ និងបញ្ចុះកូឡេស្តេរ៉ូលមិនល្អក្នុងឈាម ដោយគ្រ... - 15/02/2019 14:23
  • រកឃើញគ្រែក្រេប ទឹកឃ្មុំបុរាណរបស់ Henry VII ត្រូវបោះចោលនៅចំណត... - 15/02/2019 14:09
  • Please wait 8  seconds, if skip Close

    X

    ads

    Top