ផ្សាយពាណិជ្ជកម្ម លើគេហទំព័រសារព័តមានដើមអម្ពិល និង Lookingtoday កាសែតដើមអម្ពិល, វិទ្យុដើមអម្ពិលសូមទំនាក់ទំនងមកកាន់មជ្ឈមណ្ឌលសារព័ត៌មានដើមអម្ពិល តាមរយៈទូរសព័្ឌលេខ៖ 097 227 9999 ឬតាមរយៈ Email: soyvicheth@gmail.com៕

ហត្ថាកសិករ រៀបចំ មហាសន្និបាត លើកទី២១

ព្រះសីហនុ៖ គ្រឹះស្ថានមីក្រូហិរញ្ញវត្ថុឈានមុខគេនៅកម្ពុជា ហត្ថាកសិករ លីមីតធីត បានរៀបចំមហាសន្និបាតលើកទី២១ នៅសណ្ឋាគារឆ្នេរឯករាជ្យ នៃទីរួមខេត្តព្រះសីហនុ នាថ្ងៃទី០៩ ខែកុម្ភៈ ឆ្នាំ២០១៨ ដើម្បីបូកសរុបលទ្ធផល​ការងារប្រចាំ ឆ្នាំ២០១៧ និងផ្សព្វផ្សាយផែនការយុត្តិសាស្រ្ត សម្រាប់ឆ្នាំ២០១៨។

កម្មវិធីប្រជុំប្រចាំឆ្នាំនេះ មានការអញ្ចើញចូលរួមពី ប្រធានក្រុមប្រឹក្សាភិបាល ប្រធានអគ្គនាយក គណៈគ្រប់គ្រងជាន់ខ្ពស់ ថ្នាក់គ្រប់គ្រងនៅការិយាល័យកណ្តាល និងសាខាទូទាំង២៥ ខេត្តនិងរាជធានី ព្រមទាំងបុគ្គលិកឆ្នើមផងដែរ។

លោកឧកញ៉ា ហួត អៀងតុង ប្រធានអគ្គនាយក គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បានមានមតិ សំណេះសំណាល បើកកម្មវិធី ដោយបានលើកឡើងពីសមិទ្ធផល ជាក់ស្តែងសម្រេចបានក្នុងឆ្នាំ២០១៧កន្លងមកនេះ។ លោកបញ្ជាក់ថា ហត្ថាកសិករ សម្រេចបានគោលដៅ ស្ទើរគ្រប់ផែនការ ទាំងអស់សម្រាប់ឆ្នាំ២០១៧ កន្លងទៅនេះ ដែលជាជាលទ្ធផល ចំនួនអតិថិជនឥណទានបាន កើនឡើងរហូតដល់ ១២៣,៦១៨ ជាមួយផលប័ត្រឥណទាន ៥៧៦ លានដុលា្លរ និងអតិថិជនប្រាក់បញ្ញើសន្សំសរុប មានចំនួន២២៥,៩៦០ នាក់ ជាមួយនឹងសមតុល្យ ប្រាក់បញ្ញើសន្សំ ៣៦៧លានដុល្លារ គិតត្រឹមចុងខែធ្នូ ឆ្នាំ២០១៧។

លោកប្រធានអគ្គនាយក បានថ្លែងអំណរគុណ និងធ្វើការកោតសរសើរដល់គណៈគ្រប់គ្រង និងបុគ្គលិកហត្ថាកសិករ ទាំងអស់ដែលបានដុតដៃដុតជើង លះបង់ និងមានការប្តេជ្ញាចិត្តខ្ពស់ ក្នុងការពាំនាំលទ្ធផលដ៏ល្អត្រចះត្រចង់នេះ។

លោកបន្តថា “ជោគជ័យដែលយើងទទួលបានក្នុងឆ្នាំ២០១៧នេះ គឺមិនមែនកើតឡើងដោយចៃដន្យ នោះទេ វាប្រាកដណាស់ បានមកពីការខិតខំ ប្រឹងប្រែងរបស់បុគ្គលិកទាំងអស់ ហើយជាពិសេសក៏បានមកពី ការគាំទ្រប្រកបដោយភាព ជឿជាក់ពី ភាគទុនិករបស់យើង គឺធនាគារក្រុងស្រ៊ី ដែលជាធនាគារពាណិជ្ជធំលំដាប់ ទី៥នៃព្រះរាជាណាចក្រថៃ។”

លោក Dan Harsono  ប្រធានក្រុមប្រឹក្សាភិបាល នៃគ្រឹះស្ថានមីក្រូហិរញ្ញវត្ថុ ហត្ថាកសិករ បានមានប្រសាសន៍ និងមតិអបអរសាទរដល់ គណៈគ្រប់គ្រង និងបុគ្គលិក ទាំងអស់ដែលសម្រេច បាននូវផ្លែផ្កាគួរជាទីមោទន សម្រាប់ឆ្នាំ២០១៧នេះ។ លោកលើកឡើងថា “ក្នុងនាមជាប្រធានក្រុមប្រឹក្សាភិបាល យើងពិតជាមានមោទនភាពណាស់ ដោយឃើញហត្ថាកសិករនៅតែបន្ត ការរីកចំរើនទៅមុខជានិច្ច ដែលមិនបានធ្វើឲ្យធនាគារ អាណាព្យាបាល ខកចិត្តឡើយបន្តិចណាឡើយ។”  

លោកបានបន្ថែមថា “យើងនឹងបន្តសហការ និងគាំទ្រលើគ្រប់ផ្នែកទាំងអស់ ដែលហត្ថាកសិករត្រូវការ ដើម្បីធ្វើដំណើ ទៅរក ភាពជោគជ័យទាំងអស់គ្នា និងដើម្បីសម្រេចតាមមហិច្ចតា ព្រមទាំងផែនការយុត្តិសាស្រ្តដែលបានកំណត់”។

នៅចុងបញ្ចប់នៃកម្មវិធី យើងសង្កេតឃើញមាន ក៏មានការប្រគល់នូវលិខិតសរសើរដល់ បុគ្គលិកដែលបានបំរើការងារ យូរឆ្នាំ ព្រមទាំងការប្រគល់រង្វាន់លើកទឹកចិត្ត ដល់សាខាឆ្នើម និងបុគ្គលិកឆ្នើមផងដែរ៕

បញ្ជាក់៖ ហាម​យក​​ព័ត៌មាន​​ទៅចុះផ្សាយ​បន្ត​ដោយគ្មាន​ការអនុញ្ញាត​​បើពុំ​នោះ​ទេ​យើង​ នឹង​ចាត់​​វិធាន​​ការ​​​ទៅ​​តាម​​នីតិវិធីច្បាប់​​​..!!

ព័ត៌មានថ្មីៗ ទើបចុះផ្សាយ

  • កម្ពុជា បន្ដកំណត់មិនទាន់ ស្គាល់ឈ្នះ ក្រោមការដឹកនាំ របស់ Hond... - 12/11/2018 21:58
  • ដោយសារ មិនចង់បែកគ្នា នារីជប៉ុនម្នាក់ ចាក់កសម្លាប់មិត្តប្រុស... - 12/11/2018 20:01
  • ក្រុមហ៊ុន មេនូឡាយហ្វ៍ ខេមបូឌា ពង្រីកវិសាលភាព អាជីវកម្មរបស់ខ្... - 12/11/2018 19:15
  • ក្រុមហ៊ុន Huawei នៅតែរក្សាតំណែងលេខ២ ក្នុងការនាំចេញស្មាតហ្វូន... - 12/11/2018 19:04
  • យន្តហោះប្រតិកម្ម J-20 ជាច្រើនគ្រឿងធ្វើការ ហោះហើរ ក្នុងពិធីរំ... - 12/11/2018 18:42
  • ក្តៅ! វីដេអូចម្រៀងទោលដំបូងរបស់ Jennie ចេញជាផ្លូវការហើយ ( វីដ... - 12/11/2018 17:37
  • កាសែតកូរ៉េខាងជើង ​ រិះគន់ជប៉ុន​ ដែលបដិសេធមិន ទទួលស្គាល់កំហូស... - 12/11/2018 16:52
  • ​ អ៊ីស្រាអែល​ បើកការ វាយប្រហារ ផ្លូវ អាកាសនៅ តំបន់ហ្គាហ្សា​... - 12/11/2018 16:38
  • Arsenal នឹងលះបង់ Ramsey ដើម្បីចចារនាំ យកខ្សែប្រយុទ្ធ ម្នាក់រ... - 12/11/2018 15:53
  • Honda នឹងដឹកនាំក្រុមគោព្រៃ ប៉ះមីយ៉ាន់ម៉ាល្ងាចនេះ នៃពាន AFF S... - 12/11/2018 15:26
  • Top