ផ្សាយពាណិជ្ជកម្ម លើគេហទំព័រសារព័តមានដើមអម្ពិល និង Lookingtoday កាសែតដើមអម្ពិល, វិទ្យុដើមអម្ពិលសូមទំនាក់ទំនងមកកាន់មជ្ឈមណ្ឌលសារព័ត៌មានដើមអម្ពិល តាមរយៈទូរសព័្ឌលេខ៖ 097 227 9999 ឬតាមរយៈ Email: soyvicheth@gmail.com៕

ក្រុមហ៊ុន អរសាំគ្លូប៊លអ៊ីនវេសម៉ិនគ្រុប ផ្តល់អង្ករនិងសម្ភារៈសិក្សាមួយចំនួន ដល់កុមារកំព្រា នៅអង្គការម៉ែកណា

ភ្នំពេញ៖ ក្រុមហ៊ុនអរសាំគ្លូប៊ល អ៊ីនវេសម៉ិនគ្រុប បានបញ្ជូនក្រុមការងារ របស់ខ្លួន ចុះផ្តល់អង្ករ និងសម្ភារៈសិក្សាមួយចំនួន ដល់កុមារកំព្រា នៅអង្គការម៉ែកណា ដែលមានទីតាំងស្ថិតនៅភូមិទួលឆុំ២ សង្កាត់បឹងទំពុន ខណ្ឌមានជ័យ រាជធានីភ្នំពេញថ្ងៃទី១៣ ខែមីនា ឆ្នាំ២០១៩។

ពិធីចែកអង្ករ និងសម្ភារៈសិក្សា មានការចូលរួមផ្ទាល់ពី លោកស្រី Evelyn Pek អនុប្រធាននាយកប្រតិបត្តិក្រុមហ៊ុនអរសាំគ្លូប៊ល អ៊ីនវេសម៉ិនគ្រុប។

ក្នុងឱកាសនោះ លោកស្រី សុភ័ណ ជាអ្នកថែរក្សាកុមារ នៅអង្គការម៉ែកណា បានឲ្យដឹងថា "ខ្ញុំសប្បាយរីករាយណាស់ ដែលទទួលបាន ជំនួយផ្គត់ផ្គង់ជាចំណីអាហារ និងអង្ករពីក្រុមហ៊ុន អរសាំគ្លូប៊លអ៊ីនវេសម៉ិនគ្រុប។ ក្មេងៗរបស់យើងពិតជាចាំបាច់ត្រូវការអាហារ ដើម្បីរស់រានមានជីវិត។ អង្គការរបស់យើងខ្ញុំមានកង្វល់ ពីការប្រឈមមុខនឹងបញ្ហាកង្វះស្បៀងអាហារ។ ប៉ុន្តែនៅពេលនេះ យើងទទួលបានការឧបត្ថម្ភពីក្រុមហ៊ុន អរសាំគ្លូប៊លអ៊ីនវេសម៉ិនគ្រុប ជាជំនួយដោះស្រាយជីវភាពក្មេងៗ ទាំងអស់គ្នានៅទីនេះ បានទាន់ពេលវេលា។ ក្មេងៗទាំងអស់នឹងមិនចាំបាច់ព្រួយបារម្ភពីជីវភាពរស់នៅប្រចាំថ្ងៃទេ ពួកគេអាចផ្តោតការយកចិត្តទុកដាក់ លើការសិក្សាដើម្បីអនាគតរបស់ពួកគេ"។

អ្នកស្រីក៏បានជូនពរក្រុមហ៊ុន អរសាំគ្លូប៊លអ៊ីនវេសម៉ិនគ្រុប ទទួលបានជោគជ័យយ៉ាងត្រចះត្រចង់ ក្នុងមុខជំនួញផងដែរ។

ចំណែក លោកស្រី Evelyn Pek បានឲ្យដឹងដែរថា "ចាប់តាំងពីក្រុមហ៊ុនបានបង្កើតឡើងនៅក្នុងខែវិច្ឆិកា ឆ្នាំ២០១៧ ពួកយើងបានផ្តល់អង្ករជាង២,០០០គីឡូក្រាម ជូនដល់អង្គការក្រៅរដ្ឋាភិបាលផ្សេងៗសម្រាប់ជួយទ្រទ្រង់ដោះស្រាយបញ្ហាជីវភាពរបស់កុមារ។ យើងជឿជាក់ថាកុមារគឺជាអនាគតរបស់ប្រទេសកម្ពុជា”។

លោកស្រីបញ្ជាក់ថា គោលដៅរបស់ក្រុមហ៊ុន ចង់រួមចំណែក ជួយសម្រួលដល់ស្ថានភាពលំបាកកុមារកម្ពុជា ដើម្បីបង្កើតឱកាសពួកគេ ទទួលបានការអប់រំអភិវឌ្ឍន៍ខ្លួនឯង និងអភិវឌ្ឍន៍ប្រទេសជាតិកាន់តែរីកចម្រើនឡើងនាពេលអនាគតផងដែរ។

លោកស្រីថា “ថ្ងៃនេះ ក្រុមការងាររបស់យើងខ្ញុំ បាននាំយកអង្ករចំនួន៣០០គីឡូក្រាម មកផ្តល់ជូនកុមារកំព្រានៅអង្គការម៉ែកណា ហើយយើងនឹងនៅតែបន្តផ្តល់ជំនួយនេះនាពេលអនាគតផងដែរ”។

កុមារី សុខា អាយុ៦ឆ្នាំ មកពីអង្គការម៉ែកណា បានមានចំណាប់អារម្មណ៍ ក្នុងពិធីចែកអង្ករ និងសម្ភារៈសិក្សារបស់ក្រុមហ៊ុនអរសាំគ្លូប៊ល អ៊ីនវេសម៉ិនគ្រុបថា "ខ្ញុំសប្បាយរីករាយខ្លាំងណាស់ដែលបាន ឃើញពួកគាត់។ ពួកគាត់មានសណ្តានចិត្ដល្អណាស់ចំពោះយើងគ្រប់គ្នា ហើយគាត់បានលេងកំសាន្តជាមួយយើងទៀតផង។ ខ្ញុំសង្ឃឹមថាពួកគាត់នឹងត្រឡប់មកលេង ជាមួយយើងលើកក្រោយទៀត"។

សូមបញ្ជាក់ថា ក្រុមហ៊ុនអរសាំគ្លូប៊ល អ៊ីនវេសម៉ិនគ្រុប នឹងដាក់គោលដៅរបស់ខ្លួនបន្តក្នុងការចុះចែកអង្ករ គ្រឿងឧបភោគបរិភោគ សម្ភារៈសិក្សានិងសម្ភារៈកីឡា ជូនដល់កុមារកំព្រា និងសិស្សានុសិស្សតាមតំបន់ផ្សេងៗ នៅកម្ពុជា ដើម្បីជាការចែករំលែកក្តីស្រឡាញ់ទៅដល់ពួកគេ៕ ដោយ៖ធី លីថូ

បញ្ជាក់៖ ហាម​យក​​ព័ត៌មាន​​ទៅចុះផ្សាយ​បន្ត​ដោយគ្មាន​ការអនុញ្ញាត​​បើពុំ​នោះ​ទេ​យើង​ នឹង​ចាត់​​វិធាន​​ការ​​​ទៅ​​តាម​​នីតិវិធីច្បាប់​​​..!!

ព័ត៌មានថ្មីៗ ទើបចុះផ្សាយ

  • Down Town ប៉ះក្រុមមីយ៉ាន់ម៉ាល្ងាចនេះ ក្រោយទម្លាក់ក្រុមម៉ាឡេស... - 20/06/2019 12:43
  • សហព័ន្ធកីឡាគុនដាវកម្ពុជាការផ្សព្វផ្សាយកីឡាគុនដាវនៅអនុវិទ្យាល... - 20/06/2019 12:28
  • NOCC) បើកកិច្ចប្រជុំជាមួយ សហព័ន្ធកីឡាជាតិ ១៨ត្រៀមបញ្ជូនអត្តព... - 20/06/2019 12:22
  • លោក ងិន សុខបញ្ញា ចូលរួមមហាសន្និបាត សហព័ន្ធកីឡា ទ្រីយ៉ាត្លុងអ... - 20/06/2019 11:50
  • សហព័ន្ធកីឡាអុកចត្រង្គកម្ពុជា ប្រកាសប្រកួតអុកចត្រង្គ ជើងឯកថ្ន... - 20/06/2019 11:43
  • ការស្រាវជ្រាវដ៏ធំបំផុតនិយាយថា យើងមិនទាន់បានរកឃើញ សញ្ញាណាមួយន... - 20/06/2019 11:30
  • យន្តហោះអគ្គិសនី បញ្ចូលថ្មមួយម៉ោង ហោះបាន ១៦០គីឡូម៉ែត្រ - 20/06/2019 11:12
  • កូរ៉េខាងត្បូង ជំរុញឲ្យមានកិច្ចប្រជុំកំពូល អន្ដរកូរ៉េ មុនឬក្រ... - 20/06/2019 11:04
  • ប្រវត្តិដ៏កំសត់ របស់រាជនីសំឡេងមាស រស់ សិរីសុទ្ធា ដែលពលរដ្ឋខ្... - 20/06/2019 10:57
  • Mbappe ចង់​ដើរ​តាម​គំរូ​របស់ Zlatan និង​កីឡាករ​ដទៃ​ទៀត​ ដោយ​... - 20/06/2019 10:54
  • Please wait 8  seconds, if skip Close

    Top