ផ្សាយពាណិជ្ជកម្ម លើគេហទំព័រសារព័តមានដើមអម្ពិល និង Lookingtoday កាសែតដើមអម្ពិល, វិទ្យុដើមអម្ពិលសូមទំនាក់ទំនងមកកាន់មជ្ឈមណ្ឌលសារព័ត៌មានដើមអម្ពិល តាមរយៈទូរសព័្ឌលេខ៖ 097 227 9999 ឬតាមរយៈ Email: soyvicheth@gmail.com៕

ព្រឹត្តិការណ៍ប្រគំតន្ត្រី​ ដ៏កក្រើក កំពុងរង់ចាំអ្នក នៅសួនច្បារសម្តេច ហ៊ុន សែន

ភ្នំពេញ៖ ដើម្បីអបអរពិធីបុណ្យ ចូលឆ្នាំថ្មីប្រពៃណីជាតិខ្មែរ ណាហ្គាវើលដ៍ និងសាលារាជធានីភ្នំពេញ នឹងផ្តល់ជូនដល់សាធារណជន នូវភាពរីករាយ ចាប់ពីឥឡូវនេះ រហូតដល់ថ្ងៃទី ២២ មេសា ដែលមានការសម្តែងសិល្បៈ វប្បធម៌ខ្មែរ ការប្រគំតន្ត្រី កម្មវិធីកម្សាន្ត ដែលចូលរួមសម្តែង ដោយកំពូលសិល្បករ-សិល្បការិនី ប្រចាំព្រះរាជាណាចក្រកម្ពុជា ព្រមទាំងមានការ តុបតែងដោយពោងខ្យល់ធំៗ ជាច្រើននៅលើសួនច្បារ សម្តេច ហ៊ុន សែន នៅមុខណាហ្គាវើលដ៍ថែមទៀតផង នាយប់ថ្ងៃទី ១៣ មេសា ២០១៨ ។

ព្រឹត្តិការណ៍ដែលរៀបចំ ដោយណាហ្គាវើលដ៍ សហការជាមួយ សាលារាជធានីភ្នំពេញ ដ៏អស្ចារ្យនេះ គឺជាព្រឹត្តិការណ៍ធំ និងប្លែកទីមួយ ក្នុងរាជធានីភ្នំពេញ សម្រាប់ឲ្យសាធារណជន ទទួលយកនូវភាពសប្បាយរីករាយ មិនអាចបំភ្លេចបាន ជាមួយការសម្តែង សិល្បៈវប្បធម៌ខ្មែរ និងពិធីបុណ្យជាតិ ប្រចាំឆ្នាំដែលប្រជាជនកម្ពុជា តែងតែប្រារព្ធជារៀងរាល់ឆ្នាំ ។

ពិធីបើក “ព្រឹត្តិការណ៍ប្រគំតន្រ្តី អបអរបុណ្យចូលឆ្នាំថ្មី” នេះ ត្រូវបានចូលរួម ជាអធិបតីដោយលោក ហួត ហៃ អភិបាលរង នៃគណៈអភិបាល រាជធានីភ្នំពេញ ជាមួយថ្នាក់គ្រប់គ្រង ជាន់ខ្ពស់ណាហ្គាវើលដ៍ ។ រូបតុក្កតាពោងខ្យល់ធំៗ ជាច្រើន ត្រូវបានដាក់លម្អ ជាមួយអំពូលភ្លើងចម្រុះពណ៌ ដ៏ទាក់ទាញ ហើយនឹងត្រូវដាក់នៅលើ សួនច្បារសម្តេច ហ៊ុន សែន ដើម្បីឲ្យពុកម៉ែបងប្អូន អាចថតរូបជាមួយក្រុមគ្រួសារ និងមិត្តភ័ក្តិ ដើម្បីទុកជាអនុស្សាវរីយ៍ ។ រូបតុក្កតាពោងខ្យល់ធំៗ ដ៏ស្រស់ស្អាតទាំងអស់នោះ រួមមាន រូបសុនខដែលតំណាងឆ្នាំច បង្កងទន្លេមេគង្គ រូបក្ងាន និងពោងខ្យល់ធំៗ ជាច្រើនទៀត ។

ក្នុងនោះ នឹងមានមហាព្រឹត្តិការណ៍ ប្រគំតន្ត្រីចុងសប្តាហ៍ដ៏កក្រើកផងដែរ ដែលសម្តែងដោយ កំពូលសិល្បករ-សិល្បការិនី ប្រចាំព្រះរាជាណាចក្រកម្ពុជា នៅសួនច្បារសម្តេច ហ៊ុន សែន ចាប់ពីថ្ងៃទី ២០ ដល់ ២២ មេសា ពីម៉ោង ២ រសៀលដល់ ១១ យប់ រៀងរាល់ថ្ងៃ ជាមួយការសម្តែងរបាំអប្សរា ក្រុមតន្ត្រីជាតិ និងអន្តរជាតិ និងអ្នកលេងសៀករហ័សកម្មជាដើម ។ នៅថ្ងៃសុក្រ ទី ២០ មេសា ចាប់ពីម៉ោង ៩ យប់ ពុកម៉ែបងប្អូនរបស់យើង នឹងបានរីករាយជាមួយកញ្ញា សុគន្ធ នីសា និង លោក ខេមរៈ សិរីមន្ត ។ ចំណែកនៅរាត្រីថ្ងៃសៅរ៍ ពុកម៉ែបងប្អូនរបស់យើង នឹងបានកម្សាន្ត ជាមួយម្ចាស់ពាន The Voice Kids Cambodia កុមារា ពេជ្រ ថៃ ក្រុមក្មេងខ្មែរ និងកញ្ញា យូរី ។ ការប្រគំតន្ត្រី នៅរាត្រីចុងក្រោយ នឹងធ្វើឡើង នៅរាត្រីថ្ងៃអាទិត្យ ទី ២២ មេសា ដែលចូលរួមសម្តែងដោយលោក ជីដេវីដ ពេជ្រថៃ និងកូនប្រុសទាំងបី របស់លោកព្រាប សុវត្ថិ (សុវត្ថិ មុនីវណ្ណ សុវត្ថិ មុនីនាគ និងសុវត្ថិ សិរីវុឌ្ឍ) ៕

បញ្ជាក់៖ ហាម​យក​​ព័ត៌មាន​​ទៅចុះផ្សាយ​បន្ត​ដោយគ្មាន​ការអនុញ្ញាត​​បើពុំ​នោះ​ទេ​យើង​ នឹង​ចាត់​​វិធាន​​ការ​​​ទៅ​​តាម​​នីតិវិធីច្បាប់​​​..!!

ព័ត៌មានថ្មីៗ ទើបចុះផ្សាយ

  • ជប៉ុនមានបំណងផលិតយន្តហោះ គ្មានមនុស្សបើកដើម្បី កាត់បន្ថយម៉ោងធ្... - 19/09/2018 14:14
  • ទីភ្នាក់ងារសុវត្ថិភាពនុយក្លេអ៊ែរកូរ៉េខាងត្បូង​ បញ្ជាឲ្យក្រុម... - 19/09/2018 14:09
  • អ៊ុ​ សេរីគុត្តា​ រំពឹងជ័យលាភី កម្មវិធី​ "the melody "​ កែប្រ... - 19/09/2018 13:58
  • គណៈកម្មាធិការ IOC សរសើរការរៀបចំកីឡាអូឡាំពិករបស់ទីក្រុង ប៉េកា... - 19/09/2018 13:54
  • វៀតណាម នឹងចូលរួមសមយុទ្ធដែនសមុទ្រអាស៊ាន-ចិន នៅចុងខែតុលា - 19/09/2018 13:47
  • ក្រុមហ៊ុន Sumitomo ផ្តោតស្មារីលើការផ្គត់ផ្គង់សម្ភារៈអាគុយទៅក... - 19/09/2018 13:19
  • Sloane Stephens ធ្លាក់ពីការប្រកួតនៅជុំទី១ នៃពានរង្វាន់ Pan P... - 19/09/2018 13:07
  • អ្នកប្រដាល់ ក្បាច់ប្រដាល់ ចម្រុះ“MMA” Kid Yamamotoបានស្លាប់... - 19/09/2018 12:22
  • សម្ព័ន្ធភាព Renault-Nissan ប្រើប្រាស់ប្រព័ន្ធ Google Android... - 19/09/2018 11:56
  • បុរសម្នាក់ដែលគំរាមបាញ់ ទម្លុះក្បាលលោក ដូណាល់ ត្រាំ តាមហ្វេសប... - 19/09/2018 11:54
  • X

    ads

    Top