ផ្សាយពាណិជ្ជកម្ម លើគេហទំព័រសារព័តមានដើមអម្ពិល និង Lookingtoday កាសែតដើមអម្ពិល, វិទ្យុដើមអម្ពិលសូមទំនាក់ទំនងមកកាន់មជ្ឈមណ្ឌលសារព័ត៌មានដើមអម្ពិល តាមរយៈទូរសព័្ឌលេខ៖ 097 227 9999 ឬតាមរយៈ Email: soyvicheth@gmail.com៕

អណ្ដើកហ្លួង២៥ក្បាលលែងឲ្យរស់នៅក្នុងដែនទឹកធម្មជាតិ

ភ្នំពេញ៖ ក្រុមអង្គការ និងអ្នកពាក់ព័ន្ធ បានលែងសត្វអណ្ដើកហ្លួងពេញវ័យចំនួន២៥ក្បាល  ដែលថែរក្សាក្នុងមជ្ឈមណ្ឌលអភិរក្សប្រភេទសត្វល្មូន ខេត្តកោះកុង ទៅក្នុងទឹកដីធម្មជាតិនៅតាមដងព្រែកស្រែអំបិល។

ក្នុងសេចក្តីប្រកាសព័ត៌មានរបស់អង្គការសមាគមអភិរក្សសត្វព្រៃ (WCS) បានឲ្យដឹងនៅថ្ងៃទី១៣ ខែវិច្ឆិកា ឆ្នាំ២០១៧ថា សត្វអណ្ដើកហ្លួង ស្ថិតក្នុងបញ្ជីក្រហមរបស់អង្គការ IUCN ជាប្រភេទរងគ្រោះជិតផុតពូជ នៅលើសកលលោក និងជាអណ្ដើកមួយប្រភេទក្នុងចំណោមអណ្ដើកទាំង២៥ប្រភេទ ដែលកំពុងរងគ្រោះ ថ្នាក់ខ្លាំងជាងគេបំផុត នៅលើសកលលោក។

សេចក្ដីប្រកាសព័ត៌មានបន្តថា បន្ទាប់ពីទទួលបានការពិនិត្យសុខភាពដោយក្រុមគ្រូពេទ្យសត្វ មកពីសួនសត្វប្រន់នៅសហរដ្ឋអាមេរិករបស់អង្គការ WCS សត្វអណ្ដើកទាំង២៥ក្បាលនេះ ត្រូវបានបំពាក់ជាមួយឧបករណ៍តាមដានដែលអាចឲ្យក្រុមអ្នកស្រាវជ្រាវធ្វើការពិនិត្យ តាមដានរស់រាន បម្លាស់ទីរបស់ពួកវាបានច្រើនឆ្នាំ ព្រមទាំងអាចស្វែងយល់អំពីប្រភេទទីជម្រកធម្មជាតិដែលពួកវាប្រើប្រាស់ក្នុងប្រព័ន្ធព្រែក ទៀតផង។

លោក សោម ស៊ីថា ទីប្រឹក្សាបច្ចេកទេសគម្រោងអភិរក្សខេត្តកោះកុងនៃអង្គការ WCS បានឲ្យដឹងថា “កាលពីពេលថ្មីៗនេះ រាជរដ្ឋាភិបាលកម្ពុជាបានហាមឃាត់សកម្មភាពបូមខ្សាច់នៅតាមប្រព័ន្ធព្រែកស្រែអំបិល ដែលជាដំណឹងល្អបំផុតមួយសម្រាប់ការងារអភិរក្សសត្វអណ្ដើកហ្លួង ពីព្រោះវាបានជួយការពារ ថែរក្សាប្រព័ន្ធព្រែកស្រែអំបិល ដែលទីធម្មជាតិ និងជាកន្លងពងកូនតែមួយគត់របស់អណ្ដើកហ្លួងនៅកម្ពុជា”។

ទាក់ទងនឹងសត្វអណ្ដើកហ្លួងខាងលើនេះ ប្រធាននាយកដ្ឋានអភិរក្សជលផលនៃរដ្ឋបាលជលផល លោក អ៊ុក វិបុល បានអះអាងថា “រដ្ឋបាលជលផល សហការជាមួយអង្គការ WCS បាននឹងកំពុងធ្វើការអភិរក្សសត្វអណ្ដើកហ្វួងនេះ អស់រយៈពេលជិត២០ឆ្នាំ។ 

ក្រៅពីសកម្មភាពអភិរក្សដូចជាការការពារសំបុក ការពារទីជម្រក និងការអប់រំផ្សព្វផ្សាយជាដើម ក៏បានសាងមជ្ឈមណ្ឌលអភិរក្សប្រភេទសត្វល្មួននៅខេត្តកោះកុងដើម្បីចិញ្ចឹម ថែរក្សា និងបង្កាត់ពូជ អណ្ដើកជាដើម”។លោកក៏បានអំពាវនាវ ដល់សាធារណៈជន ចូលរួមអភិរក្សសត្វអណ្ដើកហ្លួងកុំឲ្យបាត់បង់ ដោយកុំទិញ និងបរិភោគសាច់ ឬពងរបស់វា៕

បញ្ជាក់៖ ហាម​យក​​ព័ត៌មាន​​ទៅចុះផ្សាយ​បន្ត​ដោយគ្មាន​ការអនុញ្ញាត​​បើពុំ​នោះ​ទេ​យើង​ នឹង​ចាត់​​វិធាន​​ការ​​​ទៅ​​តាម​​នីតិវិធីច្បាប់​​​..!!

ព័ត៌មានថ្មីៗ ទើបចុះផ្សាយ

  • Julen ​មិន​បារម្ភ​រឿង Real Madrid ​បណ្ដេញ​លោក​ចោល​ឡើយ - 21/10/2018 12:09
  • កំណើនសេដ្ឋកិច្ចរបស់ មហាយក្សចិន កើនឡើងដល់៦,៧ភាគរយ - 21/10/2018 12:07
  • សហរដ្ឋអាមេរិក និងកូរ៉េខាងត្បូង ផ្អាកដំណើរការធ្វើ លំហាត់សមយុទ... - 21/10/2018 11:39
  • គយគន់​ ​សម្រស់​​ដ៏ស្រស់​ត្រដែត របស់ Miss Grand ប្រចាំតំបន់អា... - 21/10/2018 11:30
  • Real Madrid ដាក់លក់កីឡាករវ័យក្មេងនេះ ដល់ទៅ១០០លានផោន ក្លឹបបីន... - 21/10/2018 10:07
  • ស្មើ​យប់មិញ Jose ​រក​វ៉ៃជាមួយ​ជំនួយ ​ការ​គ្រូ​បង្វឹក Chelsea... - 21/10/2018 10:04
  • តាក់ស៊ី លើមេឃ នឹងដំណើរការ នៅសិង្ហបុរី ឆ្នាំក្រោយ - 21/10/2018 09:56
  • ប្រមុខការពារជាតិ អាមេរិក-ចិន​ ជួបពិភាក្សាគ្នាដោយគ្មាន កិច្ចព... - 21/10/2018 08:52
  • Benitez ជឿជាក់ថា នឹងមិនអាចត្រូវ បានគេបណ្តេញ ចេញពីក្លឹបឡើយ - 21/10/2018 08:32
  • Rihanna ប្រកែក​មិន​សម្ដែង ​ក្នុង​កម្មវិធី​យក្ស Super Bowl លើ... - 21/10/2018 08:27
  • Top