ផ្សាយពាណិជ្ជកម្ម លើគេហទំព័រសារព័តមានដើមអម្ពិល និង Lookingtoday កាសែតដើមអម្ពិល, វិទ្យុដើមអម្ពិលសូមទំនាក់ទំនងមកកាន់មជ្ឈមណ្ឌលសារព័ត៌មានដើមអម្ពិល តាមរយៈទូរសព័្ឌលេខ៖ 097 227 9999 ឬតាមរយៈ Email: soyvicheth@gmail.com៕

លោកតា វ៉ិចទ័រ ក្លាយជាថៅកែធំ នៅខេត្តកំពត

ភ្នំពេញ៖ ផលិតករល្បីឈ្មោះ ប្រចាំស្ថានីយទូរទស្សន៍ ស៊ីធីអ៊ីន លោកសុវណ្ណ រិទ្ធី ហៅលោកតាវ៉ិចទ័រ បានវិវត្តន៍ខ្លួនក្លាយជាថៅកែ ទៅលើជំនួញផ្នែកកសិកម្ម នៅ ខេត្តកំពត បន្ថែមពីលើការងារសិល្បៈ ។

លោកតា វ៉ិចទ័រ បានទទួលស្គាល់ថា លោកមានចំណូលចិត្តតែរឿងមុខរបរកសិកម្មមួយមុខប៉ុណ្ណោះ ដោយសារតែលោកយល់ថានោះ ជាមុខរបរដែលជួយអោយលោករស់ស្រួល ហើយមិនភ័យក្រោយពេលបោះទុន។ លោករមែងប្រើពេលស្វែងយល់ពីរៀបដាំដុះបន្លែ និងចិញ្ចឹមត្រី តាមបច្ចេកវិទ្យានៅអ៊ីនធឺណិត និងហ្វឹកហាត់បន្ថែមពីអ្នកចេះដឹងខ្លះៗ តែបើអោយសិក្សា នៅក្នុងសាលាណាមួយបានជាក់លាក់គឺមិនមាននោះទេ។ 

លោកបានសម្រេចចិត្ត បើកជំនួញចិញ្ចឹមត្រីដំបូងបំផុតកាលពី២ឆ្នាំមុន នៅក្នុងភូមិសំរោង ឃុំសំរោងក្រោម ស្រុកបន្ទាយមាស ខេត្តកំពត ដែលជាស្រុកកំណើតរបស់ខ្លួន ដោយក្នុងពេលនេះមុខរបរ ចិញ្ចឹមត្រីរបស់លោកមានចំនួន២ស្រះ ហើយក្នុងមួយស្រះមានត្រីចំនួន២ម៉ឺនក្បាល សម្រាប់ស្រង់លក់ក្នុងមួយរដូវៗ។ 

លោកថាអាជីវកម្មមួយនេះ ហុចផលផ្លែផ្កាអោយលោក យ៉ាងច្រើន ដោយក្នុងមួយរដូវលោក អាចប្រមូលបានរង្វង់ ច្រើនជាង៥ពាន់ដុល្លាររៀងរាល់រដូវ ហើយមិនភ័យរឿងអត់អ្នកទិញនោះទេ ដោយសារតែត្រីដែលលោកបានចិញ្ចឹមគឺប្រើបច្ចេកទេសត្រឹមត្រូវ មិនប្រើជាតិគីមី ហើយអោយ តែដល់រដូវមានម៉ូយមកថ្លឹងអស់ៗ។ លោកថាមុខរបរមួយនេះ ចំណាយកម្លាំងមើលថែតែបន្តិចច តែមិនភ័យរឿងអត់ទីផ្សារ និងឡុងចុងខាងដើមឡើយ ទើបលោកក្រៅពីពង្រីកការចិញ្ចឹមត្រីអោយបានច្រើនស្រះ ក្នុងពេលខាងមុខហើយ ក៏នឹងបើកការចិញ្ចឹមមាន់ជាទ្រង់ទ្រាយធំទៀត។ 

លោកមានគម្រោងបោះទុន ចិញ្ចឹមមាន់ក្នុងពេលឆាប់ៗ បន្ទាប់ពីបានសិក្សាឃើញថា មុខជំនួញមួយនេះ ក៏ល្អមិនខុសពីត្រី អោយតែមានវិធីថែទាំច្បាស់លាស់ការពារកុំអោយឆ្លងជំងឺ។ អ៊ីចឹងហើយទើបលោកបញ្ជាក់ថាឧស្សាហ៍ ឡើងចុះទៅខេត្តកំពត បើទោះជាលោកមានផ្ទះមានសម្បែង នៅ ភ្នំពេញ និងមានការការងារជាប្រចាំនៅCTNទៅ ហើយ។ 

ជាក់ស្ដែងសូម្បីតែថ្ងៃកំណើត របស់លោកគម្រប់វ័យ៤៧ឆ្នាំក៏លោកបង្ហាញខ្លួន នៅស្រុកកំណើត មិនខ្វល់រឿងកាត់នំជប់លៀង នៅភ្នំពេញនោះដែរ ដោយសារតែលោកត្រូវទៅមើលថែមុខជំនួញ ចិញ្ចឹមត្រីផង និងគិតគូរពីគម្រោងបើកកសិដ្ឋាន ចិញ្ចឹមមាន់ជាទ្រង់ទ្រាយធំ។ យ៉ាងណាមិញលោកថានៅតែមាន ពេលគ្រប់គ្រាន់ដើម្បីផលិតកម្មវិធីថ្មីៗដោយក្នុងពេលខាងមុខ ក្រៅពីពង្រឹងកម្មវិធីមានស្រាប់អោយកាន់តែ ទាក់ទាញបន្ថែមទៀត ក៏នឹងបង្កើតកម្មវិធីថ្មី ដើម្បីបំពេញ សេចក្ដីត្រូវការ របស់មហាជនផងដែរ។ 

លោកតាវ៉ិចទ័រ បន្តថាលោកមានមហិច្ឆតា លើការពង្រីកមុខជំនួញពាក់ព័ន្ធនឹងវិស័យ កសិកម្មច្រើនឡើង បន្ទាប់ពីបើក ចិញ្ចឹមត្រីហើយទទួល បានប្រាក់ចំណូលក្រាស់ទៅៗ រាល់ពេលប្រមូលផល។ ក្នុងនោះលោកក៏បណ្ដុះអោយ និងចែកចាយជំនាញដែលខ្លួនមានជូនដល់អ្នកស្រីអោយចេះស្វែងយល់ពីការចិញ្ចឹម ត្រីដូចលោកផងដែរ សម្រាប់អ្នកជិតខាងណាដែលចង់ អោយលោកចង់បង្ហាត់បង្រៀន ដោយលោកយល់ថា មិនមានអ្វីត្រូវលាក់តំរិះនោះឡើយ៕

បញ្ជាក់៖ ហាម​យក​​ព័ត៌មាន​​ទៅចុះផ្សាយ​បន្ត​ដោយគ្មាន​ការអនុញ្ញាត​​បើពុំ​នោះ​ទេ​យើង​ នឹង​ចាត់​​វិធាន​​ការ​​​ទៅ​​តាម​​នីតិវិធីច្បាប់​​​..!!

ព័ត៌មានថ្មីៗ ទើបចុះផ្សាយ

  • រុស្ស៊ីត្រៀមខ្លួនប្រើលុយ អឺរ៉ូជំនួសលុយដុល្លារ ប្រសិនអឺរ៉ុបចេ... - 28/05/2018 16:23
  • រដ្ឋ២របស់អាមេរិក ប្រកាសអាសន្នមុន ពេលដែលព្យុះ Alberto ធ្វើដំណ... - 28/05/2018 16:21
  • ចិនថ្កោលទោស បេសកកម្មដែនសមុទ្រចិន ខាងត្បូងរបស់នាវា ចម្បាំងអាម... - 28/05/2018 15:58
  • ក្រុមសកម្មប្រយុទ្ធ IS ១៩នាក់ ត្រូវបានសម្លាប់នៅភាគខាងកើតអាហ្វ... - 28/05/2018 15:55
  • San Dara ថានាងចង់កើតស្ត្រេស ព្រោះមិនឡើងទម្ងន់ - 28/05/2018 15:43
  • អនុប្រធានក្លឹប Monaco សារភាពថា Mbappe ជាអ្នកបដិសេធសំណើរ ១៥៨... - 28/05/2018 14:49
  • លោកពូទីននិងអាបេ យល់ព្រមបន្តកិច្ច សហប្រតិបត្តិការ លើសន្ធិសញ្ញ... - 28/05/2018 14:46
  • ក្រុមហ៊ុនបរទេស១ ចង់កម្ពុជា បោះទុននិយោគ ​លើ​គម្រោង រីសត​ខ្នាត... - 28/05/2018 14:28
  • Gomez ទទួលបានកុង ត្រារយៈពេល វែងជាមួយនឹង Liverpool នឹងប្រាក់ក... - 28/05/2018 13:55
  • ចិន-ឥណ្ឌា​ ដំណើរការចង្កោម ឧសហ្សាហកម្ម​បច្ចេកវិទ្យា​ IT ដើម្ប... - 28/05/2018 13:48
  • X

    ads

    Top